जुम्लामा तारा एयरको विमान दुर्घटनामा परेको छ । नेपालगन्जदेखि जुम्ला जाँदै गरेको तारा एयरको जहाज जुम्ला एयरपोर्टमा अवतरण गर्ने क्रममा धावन मार्गमा चिप्लिएर दुर्घटनामा परेको छ ।
तारा एयरको 9N-AEV कल साइन भएको विमान दुर्घटना भएको हो । दुर्घटनाबाट विमानको अगाडिको भाग क्षतिग्रस्त भएपनि मानवीय क्षति भने नभएको जुम्ला प्रहरीले जनाएको छ । जहाजमा सवार सबै यात्रु सुरक्षित छन् । विमानमा १६ जना यात्रु र २ जना चालक दलका सदस्य थिए ।
