काठमाडौं, १७ जेठ । प्रधानमन्त्री केपी शर्मा ओलीले तत्कालीन माओवादी नेता बालकृष्ण ढुंगेललाई कानून अनुसार आममाफी दिएको भन्दै त्यो कानून आफूले नबनाएको स्पष्ट पारेका छन् ।
प्रधानमन्त्री केपी शर्मा ओलीले नेपाल कम्युनिष्ट पार्टीको संसदीय दलको बैठकमा ढुंगेललाई जेलरको सिफारिसमा अन्य कैदीलाई जस्तै कानुनमा टेकेर आममाफी दिएको बताए । उनले कांग्रेस नेता गगन थापाले आफूलाई महाराज होइन भनेकामा धन्यवाद दिए ।
नेपाल कम्युनिस्ट पार्टीको संसदीय दलले उपनेतामा पूर्वसभामुख सुवास नेम्वाङ, प्रमुख सचेतकमा देवप्रसाद गुरुङ र सचेतकमा शान्ता चौधरीलाई चयन गरेको छ ।
