काठमाडौं, २४ बैशाख । संस्कृति, पर्यटन तथा नागरिक उडड्यनमन्त्री रविन्द्र अधिकारीले पर्यटन क्षेत्रको विकासका लागि आवश्यक पूर्वाधार विकास गर्ने प्रतिवद्धता व्यक्त गरेका छन् ।
सोमबार काठमाडौंमा आयोजित ‘नेपाली रैथाने खानाहरुको अन्तर्राष्ट्रियकरण अभियान’को शुभारम्भ गर्दै मन्त्री अधिकारीले आर्थिक गतिलाई बढवा दिनेगरी पर्यटन क्षेत्रको विकास गरिने बताए । उनले नेपाली खानालाई विश्वव्यापी बनाउन सरकारले विदेशस्थित नेपाली दुतावास, गैर आवासीय नेपालीमार्फत् पहल गर्ने प्रतिवद्धतासमेत व्यक्त गरे ।
कार्यक्रममा नेपाली रैथाने खानाका परिकारहरु प्रर्दशन गरिएको थियो ।
