सिरहा, ७ बैशाख । सिरहा नगरपालिका ११ भलुवाहीमा निर्माण सम्पन्न नहुँदै नाला भत्किएको छ । नाला निर्माणको ठेक्का पाएको रोशन कन्स्ट्रक्सनले कमसल सामाग्रीको प्रयोग गरेकाले काम सम्पन्न नुहँदै ६० मिटर नाला भत्किएको हो ।
निर्माण कम्पनीले गुणस्तरहीन सामाग्रीको प्रयोग गरेपछि स्थानीयले विरोध गरेका छन् । स्थानीयको विरोधपछि निर्माण कार्य रोकिएको छ । सडक डिभिजन कार्यालय लहानले अनुगमनका लागि टोली खटाएर मापदण्ड अनुसार निर्माण गर्न निर्देशन दिएको छ । रोशन कन्स्ट्रक्सनले १ करोड १० लाखमा १ हजार मिटर नाला बनाइरहेको हो ।
