काठमाडौं, २७ चैत । धर्मगुरु आचार्य श्रीनिवासमाथि गोली प्रहार भएको घटनाको विरोधमा मंगलबार पनि काठमाडौंमा प्रदर्शन गरिएको छ । हिन्दु धर्मसँग सम्बन्धित विभिन्न संघ, संस्थाहरुले धर्मगुरु श्रीनिवासमाथि गोली प्रहार भएको घटनाको विरोधमा मंगलबार काठमाडौंको माइतीघर मण्डलामा विरोध प्रदर्शन गरेका हुन ।
प्रदर्शनका क्रममा उनीहरुले गोली प्रहार गर्नेलाई पक्राउ गरी कार्वाही गर्न नसकेको भन्दै सरकारप्रति आक्रोश समेत व्यक्त गरेका थिए । धर्मगुरु श्रीनिवासलाई गत शनिवार राति सौच गर्न गएका बेला विराटनगरको जतुवामा गोली प्रहार भएको थियो ।
