बिराटनगर, २५ चैत । हिन्दु धर्मगुरु श्रीनिवासमाथि विराटनगरमा गोली प्रहार भएको छ ।
हिन्दु धर्मगुरु श्रीनिवासमाथि गएराति १ बजे विराटनगर महानगरपालिका– १४ स्थित जतुवामा गोली प्रहार भएको हो । तीन गोली लागेका श्रीनिवासको विराटनगरस्थित न्यूरो अस्पतालमा उपचार भइरहेको छ । कोशी अञ्चल अस्पतालले उपचार गर्न नसकेपछि श्रीनिवासलाई न्यूरोमा लगिएको हो ।
सुनसरीको चताराधाममा बस्दै आएका श्रीनिवास श्रीमदभागवत सप्ताहमा पुराण वाचनका लागि विराटनगर गएका थिए । प्रहरीले घटनाबारे केही बताएको छैन् ।
