काठमाडौं, १८ फागुन । जनसंख्या तथा वातावरण मन्त्री लालबाबु पण्डितले मन्त्रीहरुलाई बिदेशमा उपचार गर्ने सुबिधा बन्द गर्नुपर्ने बताएका छन् ।
पूर्वसांसद मञ्चको सम्मान कार्यक्रममा बोल्दै मन्त्री पण्डितले मन्त्रिपरिषदले निर्णय गरेर उपचार सुविधा दिँदा सानो सानो समस्यामा पनि विदेशमा उपचार गर्न जाने क्रम बढेको बताए । मन्त्री पण्डितले मन्त्रिपरिषदबाटै त्यसलाई रोक्न सके उपचारका नाममा विदेश जाने प्रवृति बन्द हुने बताए।
कार्यक्रममा पूर्वसांसद मञ्चका अध्यक्ष ओमकारप्रसाद श्रेष्ठले पूर्वसांसदहरुलाई पनि सेवा सुविधा दिन माग गरे । कार्यक्रममा संघीय संसदमा निर्वाचित भएका सांसदहरुहरुलाई मञ्चका तर्फबाट सम्मान गरिएको थियो ।
