काठमाडौं, १७ फागुन । सदाझैं यस वर्ष पनि नायिका करिश्मा मानन्धरको ललितपुर, गोदावरीस्थित आफ्नै निवासमा कलाकारहरुले होली पर्व मनाएका छन् ।
नायिका मानान्धरले कलाहरुलाई आफ्नै निवासमा बोलाएर यस वर्ष पनि होली पर्व मनाएकी हुन् । त्यस अवसरमा नायिका रेखा थापा, हास्य कलाकार सिताराम कटेल ‘धुर्मस’, कलाकारहरु निर्मल शर्मा लगायतको उल्लेख्य सहभागिता रहेको थियो ।
होलीमा आएका कलाकारहरुलाई फिल्म निर्माता तथा करिश्माका पति विनोद मानन्धरले स्वागत गरेका थिए । मानान्धरको आज जन्म दिन पनि परेको छ ।
ज्ञनायिक करिश्माले सबै कलाकारहरुसँग एकै ठाउँमा भेट हुने भएकाले हरेक वर्ष होली आफ्नै निवासमा मनाउन थालिएको बताइन् । त्यस अवसरमा नवप्रवेशी कलाकारहरुको उल्लेख्य जमघट रहेको थियो ।
