सिरियाको उत्तरी सहर अलेप्पोस्थित पाँचौँ शताब्दीको प्रसिद्ध ऐतिहासिक तथा धार्मिक स्थल सेन्ट सिमियन कम्प्लेक्स १४ वर्षको लामो बन्दपछि पर्यटकका लागि पुनः सञ्चालनमा आएको छ । युद्ध र प्राकृतिक प्रकोपका कारण थलिएको यो पुरातात्विक सम्पदाको पहिलो चरणको पुनस्र्थापना कार्य पूरा भएसँगै सेप्टेम्बरको अन्त्यदेखि पर्यटकका लागि ढोका खुला गरिएको हो । युनेस्कोको विश्व सम्पदा सूचीमा समावेश एन्सिन्ट भिलेज अफ नर्दन सिरियाको एक महत्वपूर्ण अंगका रूपमा रहेको सेन्ट सिमियन, प्रारम्भिक क्रिस्चियन अनुयायीहरूका लागि लामो समयदेखि श्रद्धाको केन्द्र रहँदै आएको छ । पाँचौँ शताब्दीमा निर्मित यो स्थलमा क्रिस्चियन तपस्वी सेन्ट सिमियन द स्टाइलाइटले एउटा खम्बामाथि बसेर साधना गरेको विश्वास गरिन्छ ।सिरियाको दशक लामो द्वन्द्वका कारण यो क्षेत्र लामो समय सर्वसाधारणका लागि बन्द रह्यो । यस अवधिमा स्थलले ठूलो क्षति व्यहोर्नुप¥यो । सन् २०१६ मा भएको हवाई आक्रमणका कारण सेन्ट सिमियनको मुख्य खम्बा र चर्चका केही भाग भत्किएका थिए । त्यसपछिको सन् २०२३ को विनाशकारी भूकम्पले कमजोर अवस्थामा रहेका संरचनाहरूलाई थप क्षति पु¥याएको थियो ।
This website uses cookies.