चीनको गान्सु प्रान्तमा बाढीका कारण १० जनाको मृत्यु, २३ घाइते

चीनको उत्तर–पश्चिमी प्रान्त गान्सुमा आईतवार दिउँसो आएको आकस्मिक बाढीमा परी १० जनाको मृत्यु भएको छ भने अन्य २३ जना घाइते भएका छन् । स्थानीय अधिकारीहरूकाअनुसार भारी वर्षासँगै आएको बाढीले पर्यटकीय क्षेत्रमा क्षति पु¥याउँदा उक्त हताहती भएको हो । डिङक्सी सहरको वेइयुआन काउन्टीस्थित एक पर्यटकीय क्षेत्रमा पर्यटकहरू क्याम्पिङ गरिरहेका बेला अचानक बाढी आएपछि उनीहरू त्यहाँ फसेका थिए । स्थानीय समयअनुसार आईतवार साँझ ६ बजेसम्म प्राप्त विवरणअनुसार १० जनाको मृत्यु भएको र घाइतेहरूको उपचार भइरहेको छ । घटनास्थलमा स्थानीय सुरक्षा निकाय र दमकल तथा उद्धार विभागले उद्धार टोलीहरू परिचालन गरेका छन् । हाल सो क्षेत्रमा बेपत्ता भएकाहरूको खोजी तथा उद्धार कार्य जारी रहेको चिनियाँ सञ्चारमाध्यमहरूले जनाएका छन् ।