काठमाडौं,
राष्ट्रिय सभा सदस्य गोपाल भट्टराईले भूमि सम्बन्धी केही नेपाल ऐनलाई संशोधन गर्न बनेको विधेयकमा विरोध गरेर बस्ने अवस्था नरहेको बताउनुभएको छ ।राष्ट्रिय सभामा मंगलवार विधेयकमाथिको छलफलमा भाग लिँदै उहाँले यस्तो बताउनुभएको हो । उहाँले भूमिहिन सुकुम्वासीहरुको व्यवस्थापन गर्ने भनेर राजनीतिक नारा लगाउने तर नियमन गरेर टुंगो लगाउने कुरामा कहिल्यै सहमत नहुने परिस्थितिको अन्त्य गर्न जरुरी रहेको बताउनु भयो । यो विधेयकले भूमिहिन सुकुम्वासीका समस्या समाधान गर्ने विश्वास व्यक्त गर्नुभयो । विधेयकले भूमिहिन सुकुम्वासी, दलित लगायतहरुलाई एक पटक भूमिको मालिक बनाउने वा जग्गा उपलब्ध गराउने लक्ष्य बोकेको बताउनु भयो । सांसद भट्टराईले दलित र भूमिहिनहरुको समस्या पनि ज्युँकात्युँ रहेको बताउनु भयो । यि सबै समस्या समाधान गर्न विधेयक सक्षम हुने जिकिर गर्नुभयो ।
