फागुन २२ बिहिबार ।
शेयर बजार लगातार चौथो दिन घटेको छ । यो हप्ताको आइतवार उच्च अङ्कले बढेको शेयर बजार परिसूचक नेप्से त्यसयता घटिरहेको छ ।गत सोमबारदेखि निरन्तर घटिरहेको नेप्से परिसूचक आज २.७० अंकको गिरावटपछि दुई हजार ८१८.४३ को विन्दुमा कायम भएको हो ।आज तीन सय १० कम्पनीको एक करोड ९० लाख ४१ हजार ५१४ कित्ता सेयर ९३ हजार ८९५ पटक खरिद–बिक्री हुँदा रु. १० अर्ब १० करोड १८ लाख १७ हजार ६८१ बराबरको कारोबार भएको छ ।
आजको कारोबारमा बैंकिङ ०.०३, विकास बैंक १.८६, उत्पादन तथा प्रशोधन ०.२४ र लघुवित्त ०.०५ प्रतिशतले बढेको छ भने अरू सबै समूहको उपसूचक घटेको छ ।वित्त १.२३, होटेल तथा पर्यटन ०.५७, जलविद्युत् ०.०६, लगानी ०.१४ र जीवन बिमा ०.८० प्रतिशतले घटेको छ । त्यस्तै, म्युचुअल ०.१८, निर्जीवन बिमा ०.०४, व्यापार ०.२४ र अन्य समूह ०.७१ प्रतिशतले घटेको छ ।
गार्डियन माइक्रोलाइफ इन्स्योरेन्स लिमिटेड र भूगोल इनर्जी डेभलपमेन्ट कम्पनी लिमिटेडको सेयर मूल्यमा आज सकारात्मक सर्किट लागेको छ भने नबिल डिबेन्चर–२०८२ को सेयर मूल्यमा नकारात्मक सर्किट लागेको छ ।कारोबार रकमका आधारमा आज सबैभन्दा बढी हिमालयन रिइन्स्योरेन्स लिमिटेडको रु। एक अर्ब १२ करोड ८३ लाख ६२ हजारबराबरको कारोबार भएको छ । कारोबार भएका सेयर संख्याका आधारमा सबैभन्दा बढी घलेम्दी हाइड्रो लिमिटेडको १० लाख ६० हजार कित्ता सेयर किनबेच भएको छ ।
