पौष १७ बुधबार
अमेरिकी अनुसन्धान एजेन्सी फेडरल ब्युरो अफ इन्भेस्टिगेशनु एफबीआईले इतिहासकै सबैभन्दा धेरै विस्फोटक पदार्थ बरामद गरेको छ ।भर्जिनियामा छापा मार्ने क्रममा एक सय ५० वटा बम बरामद गरेको एफबीआईले जनाएको छ । यो अमेरिकाको इतिहासमा बरामद भएका अहिलेसम्मकै सबैभन्दा धेरै विस्फोटक पदार्थ हुन् ।
आइल अफ वाइट काउन्टीका ब्राड स्पाफोर्ड नामका एक व्यक्तिलाई गएको डिसेम्बर १७ मा पक्राउ गरेर अनुसन्धान थालिएको बीबीसीले जनाएको छ । एफबीआईले हतियार र गोलाबारुद सङ्कलन गरिरहेको जानकारी पाएपछि उनलाई पछ्याएको थियो ।अनुसन्धानका क्रममा अभियुक्तको घरमा नो लाइभ्स म्याटर लेखिएको झोला पाएको र यस्तो झोला अमेरिकामा अति दक्षिणपन्थी र सरकार विरोधीको सन्दर्भमा प्रयोग गरिने अनुसन्धानकर्ताले बताएका खबरमा उल्लेख छ ।
