असार २३ भारतको मेघालयमा चार जना नेपालीको हत्या गरिएको छ ।
मेघालय राज्य अन्तर्गत सिलोङ स्थित सुतङा जयन्तिया हिल्सम उनीहरूको बीभत्स हत्या गरिएको हो ।
पहिला बाँधेर त्यसपछि धारिलो हतियार प्रयोग गरेर हत्या गरेको देखिएको भारतीय सञ्चार माध्यमहरूले उल्लेख गरेका छन् ।
घटना भएको स्थान मेघालयको राजधानी सिलोङबाट १३० किलोमिटर टाढा भएको बताइएको छ । मारिने ४ जना ईलाम, धरान र भोजपुरका नेपालीहरु भएको प्रारम्भिक सूचना छ ।
ती मध्ये एक जना ईलामका रवि राई रहेको बताईएको छ । ४ जना नै स्थानीय कोइला खानीमा काम गर्दै आएका थिए ।
यो घटनाबारे दिल्लीस्थित नेपाली दूतावासलाई जानकारी पुगिसकेको छ । ०००
