ताप्लेजुङमा पहिरोले फक्तालुङ गाउँपालिका उपाध्यक्ष रवीन साम्रा लिम्बुको घर बगाउँदा एकै परिवारका ४ जनाको मृत्यु भएको छ ।
लगातारको बर्षाका कारण रवीन साम्रा लिम्बुको घर बगाउँदा उहाँका बुबा, कान्छी आमा र उनीहरूका दुई सन्तानको मृत्यु भएको हो ।
पहिरोमा परि ७१ वर्षीय रामबहादुर साम्रा लिम्बु, श्रीमती जसमाया साम्रा र जुम्ल्याहा छोरी १२ वर्षीया गंगा र जमुना साम्रा लिम्बुको ज्यान गएको हो ।
रातको समयमा पहिरोले एउटा घर बगाएको र निद्रामा भएकाले उनीहरूले भाग्न नपाएको प्रहरीको आशंका छ ।
पहिरोमा परी साम्रा परिवारकै २ जना ४० वर्षीया युगेन लिम्बू र उहाँकी तीन वर्षीया छोरी घाइते भएको बताइएको छ बाढीले तमोर करिडोरका दुईसहित ६ वटा पुल र दुई वटा घर बगाएको छ । ०००
