जल तथा मौसम विज्ञान विभागले यस वर्षको मनसुन भारतको उत्तरपूर्वी भूभाग, बङ्गलादेश, भुटान हुँदै भारतको सिक्किम सम्म आइपुगेको जनाएको छ ।
विभागले शनिबार ‘मनसुन आगमन अनुगमन बुलेटिन’ प्रकाशन गर्दै ‘नेपालको पूर्वी भूभागमा मनसुन भित्रिन अझै केही दिन लाग्ने देखिएको जनाएको हो । नेपालको पूर्वी भू–भागमा मनसुन आगमन हुने सरदर मिति जुन १३ रहेको विभागको बुलेटिनमा उल्लेख छ ।
यसपटक भने मनसुन सरदर मिति भन्दा चाँडै भित्रने मौसमविद्हरुले बताएका छन् ।
यस वर्षको मनसुनी प्रणालीलाई मौसम पूर्वानुमान महाशाखाले निरन्तर अनुगमन गरिरहेको बताईएको छ ।
साथै सोहीअनुसार नियमित रूपमा अद्यावधिक गरिने पनि विभागको उक्त सूचनामा जनाइएको छ । ०००
