काठमाडौं । नवनिर्वाचित प्रधानमन्त्री शेरबहादुर देउवाले आज कार्यभार सम्हाल्दै हुनुहुन्छ ।
राष्ट्रपति भवन शितलनिवासमा अपरान्ह पौने दुई बजे पद तथा गोपनियताको शपथ लिएपछि देउवाले प्रधानमन्त्रीका रुपमा कार्यभार सम्हाल्नुहुनेछ ।
उहाँले लैनचौरस्थित शहिद स्मृति पार्कमा माल्यार्पण गरेर आजै सिंहदरवार स्थित प्रधानमन्त्री कार्यालयमा पदवहाली गर्ने कार्यक्रम तय भएको छ ।
कंग्रेस सभापति शेरबहादुर देउवा मुलुकको ४० औं प्रधानमन्त्रीमा हिजो निर्वाचित हुनु भएको थियो । देउवालाई माओवादी केन्द्र, राप्रपा, राजपा, लोकतान्त्रिक फोरम, संघिय समाजवादी फोरम लगायतका दलले समर्थन गरेका छन् ।
हिजो संसदमा भएको निर्वाचनमा प्रधानमन्त्री निर्वाचित हुने क्रममा देउवाले झण्डै दुइतिहाइ मत प्राप्त गर्नुभएको थियो । उहाँको पक्षमा ३ सय ८८ मत परेको थियो भने विपक्षमा १७० मत परेको थियो ।
