काठमाडौं,११ फागुन । आइसिसि विश्वकप लिग टु अन्तर्गत आज नामिबिया र नेदरल्याण्डबीच प्रतिष्पर्धा हुँदैछ । खेल कीर्तिपुरस्थित त्रिभूवन विश्वविद्यालयको खेल मैदानमा साढे ९ बजेबाट शुरु हुनेछ ।
जारी लिगमा नामिबियाले नेपालसँगका दुई खेल जितेको छ भने नेदरल्याण्डले दुईमध्ये एक खेल जितेको छ । जसमा नामिबियालाई नै पराजित गरेको हो । नेपालसँग भने नेदरल्याण्ड ९ विकेटले पराजित भएको थियो । यता नामिबिया नेपाललाई दुवै खेलमा पराजित गर्दै उच्च मनोबलका साथ नेदरल्याण्डलाई पनि हराउने लक्ष्यमा मैदान उत्रिँदैछ ।
नेपालमा भइरहेको सिरिजअन्तर्गतको नामिबियाको यो अन्तिम तथा चौथो खेल हो भने नेदरल्याण्डले आईतवार नेपालसँग अन्त्मि प्रतिष्पर्धा गर्नेछ ।
