काठमाडौं,२ फागुन । क्यानाडाको अन्टारियोको लण्डनमा भएको कार दुर्घटनामा २ नेपाली विद्यार्थीको मृत्यु भएको छ । माइल्स रोड र इडर्टन रोड क्षेत्रमा ३ वटा कारहरु दुर्घटनामा परेको त्यहाँको प्रहरीले जनाएको छ ।
दुर्घटनामा पर्नेहरु अध्ययनका लागि पुगेका नेपाली विद्यार्थीहरु रहेको स्रोतले जनाएको छ । सो घटनामा घाइते भएका १० जना मध्ये २ जनाको अवस्ता गम्भिर रहेको बताइएको छ ।
मृत्यु हुनेमा सिन्धुपाल्चोकका युवक र सोलुखुम्बुकी युवती रहेको भनिएको छ । तर उनीहरुको डिटेल्स भने खुलाइएको छैन् ।
फेन्सअ कलेजमा अध्ययनरत विद्यार्थीहरु एक स्थानीय मोटर पार्टस कम्पनीमा आशिंक समय काम गर्ने र कामका लागि बिहानै कारमा चढेर त्यसतर्फ जादै थिए ।
