काठमाडौं,२५ पुस । पाकिस्तानको पूर्वी पञ्जाव प्रान्तको बहावलपुर जिल्लामा मंगलवार एउटा बस तालमा खस्दा तीन जनाको मृत्यु भएको छ भने अन्य १७ जना घाइते भएको उद्धार सेवाले जनाएको छ ।
मृत्यु हुनेमा दुई पुरुष र एक महिला रहेको उद्धार सेवाले जनाएको छ । जिल्लाको नौशेरा जादेद क्षेत्रमा यात्रुवाहक बस यू–टर्न लिने क्रममा पल्टिँदा सुक्खा तालमा खसेको थियो ।
तीन यात्रुको घटनास्थलमै मृत्यु भएको उद्धार सेवाले जनाएको छ । सूचना पाएपछि उद्धारकर्मी घटनास्थलमा पुगेर घाइतेलाई स्थानीय अस्पतालमा लगिएको बताइएको छ ।
बस संघीय राजधानी इस्लामावादबाट दक्षिणी बन्दरगाह शहर कराँचीतर्फ जाँदै गरेको थियो ।
