मेगराज खड्का रुकुम ३, जेठ
रुकुमको मुसिकोट नगरपालिकाको मेयरमा नेकपा माओबादी केन्द्रका उम्मेदवार देबिलाल गौतम बिजयी हुनुभएको छ । गौतम ४३५० मत प्राप्त गरि बिजयी हुनुभएको हो । उहाँका निकटतम प्रतिद्धन्द्धी नेपाली काग्रेसका उम्मेदवार महेन्द्र केसीले ४१७४ मत प्राप्त गर्नुभयो । त्यस्तै उपमेयरमा पनि माओबादी केन्द्रकै उम्मेदवार प्रेमकुमारी सुनार केसी बिजयी हुनुभएको छ । सुनारले ४४७९ मत ल्याएर बिजयी हुनुभएको हो भने निकटतम प्रतिद्धन्द्धी नेपाली काग्रेसकी उम्मेदवार बालकुमारी गिरीले ४१५८ मत प्राप्त गर्नुभएको हो । नगरपालिकाका १४ वडा मध्य १० वटा माओबादी र ४ वडा नेपाली काग्रेसका उम्मेदवारले जीत हाँसिल गरेका छन । जिल्लाको सानीभेरी गाउँपालिकामा पनि माओबादी केन्द्रकै अध्यक्ष र उपाध्यक्ष भारी मतका साथ बिजयी भएका छन भने अन्य ४ वटा स्थानीय तहमा पनि माओबादी केन्द्रकै उम्मेदवारहरु अग्र स्थानमा छन ।
