काठमाण्डौ, ११ कार्तिक
आईसीसी टी–ट्वान्टी विश्वकप एसिया क्षेत्र छनोट फाइनलका लागि नेपाली राष्ट्रिय क्रिकेट टोलीको घोषणा भएको छ ।
नेपाल क्रिकेट संघ क्यानले आईसीसी टी–ट्वान्टी विश्वकप एसिया क्षेत्र छनोटका लागि शनिबार १५ सदस्यीय टोलीको घोषणा गरेको हो । रोहित कुमार पौडेलको कप्तानीमा क्यानले घोषणा गरेको टोलीमा लेग स्पिनर सन्दीप लामिछाने पनि परेका छन् । घ
रेलु मैदानमा भएको त्रिकोणात्मक टि–ट्वान्टी क्रिकेट सिरिजमा विश्राम लिएका सन्दीपसँगै विकेट किपर ब्याट्सम्यान विनोद भण्डारी पनि टोलीमा अटाएका छन् ।
टी–२० क्रिकेट त्रिकोणात्मक शृङ्खलाका लागि टोलीमा रहेका लोकेश बम, सूर्य तामाङ, मौसम ढकाल र सागर ढकाल बाहिरिुएका छन् । किर्तिपुरस्थित त्रिभूवन विश्वविद्यालय र मुलपानी क्रिकेट मैदानमा हुने छनोट प्रतिस्पर्धा सोमबारदेखि सुरु हुने छ ।
नेपाल रहेको समूह ’ए’ मा सिंगापुर, ओमान र मलेसिया छन् समूह ’बी’ मा युएई, बहराइन, हङकङ र कुवेत छन् । छनोटको फाइनल पुग्ने दुई टोलीले अर्को वर्ष अमेरिका र वेस्ट इन्डिजमा आयोजना हुने टी–ट्वान्टी विश्वकप खेल्न पाउने छन् ।०००
