काठमाडौं, २८ असोज । आईसीसी विश्वकप क्रिकेटमा भारतले पाकिस्तानलाई हराएको छ । अहमदाबादमा भएको खेलमा भारतले पाकिस्तानलाई ७ विकेटले हराएको हो । पाकिस्तानले प्रस्तुत गरेको १ सय ९२ रनको सामान्य लक्ष्य भारतले ३० दशमलव ३ ओभरमा मात्र ३ विकेट गुमाएर पुरा गर्यो ।
भारतका लागि कप्तान रोहित शर्माले ८६ रनको अर्धशतकीय इनिङ्स खेले । उनले ६३ बलमा ६ चौका र ६ छक्काको मदतले सो रन बनाएका हुन् । श्रेयस एयरले अविजित ५३ रन बनाएको इनिङ्समा सुभमन गिल र विराट कोहलीले समान १६ रन बनाए । केएल राहुल १९ रनमा अविजित रहे । पाकिस्तानका साहिन साह अफ्रिदीले २ तथा हसन अलीले १ विकेट लिए । यसअघि, पहिले ब्याटिङ गरेको पाकिस्तान ४२ दशमलव ५ बलमा १ सय ९१ रनमा समेटियो ।
बाबर आजमले ५० रन बनाएको इनिङ्समा मोहमद रिजवानले ४९ रन बनाएका थिए । ओपनर इमाम उल हकले ३६ रन बनाउँदा अर्का ओपनर अब्दुल्लाह सफिकले २० रन बनाएका थिए । अर्का खेलाडी हसन अलीले १२ रन जोडे । भारतका जसप्रीत बुम्राहा, मोहमद सिराज, हार्दिक पाण्डेया, कुलदीप यादव र रबिन्द्र जडेजाले समान दुई दुई विकेट लिएका थिए । योसंगै भारतले तीन खेलमा लगातार जित निकाल्दै ६ अंक जोडेर तालिकाको शीर्ष स्थानमा उक्लिएको छ । पाकिस्तान तेस्रो खेलमा आएर भारतसँग हारेको हो । उसको चार अंक छ ।
