एजेन्सी, २४ असोज । हमासको आक्रमणपछि इजरायलले गाजामा लगातार बमबारी गरिरहेको छ । यसैबीच, इजरायली रक्षा बलहरूले बुधबार (अक्टोबर ११) अल फुरकान क्षेत्रमा हमासका २०० भन्दा बढी स्थानहरूलाई निशाना बनाए। इजरायली सुरक्षा बलले हमासको सैन्य शाखाका प्रमुख मोहम्मद डेफका बुबाको घरमा बमबारी गरेको द टाइम्स अफ इजरायलले जनाएको छ। मोहम्मद डेफलाई इजरायलमा आतंकवादी हमलाको मुख्य षड्यन्त्रकारी मानिन्छ।
सुरक्षा बलहरूले ट्विटरमा लेखेका छन् फुर्कान क्षेत्रमा यो तेस्रो हवाई हमला हो। जसमा इजरायली लडाकु विमानले हमासका ४५० स्थानमा आक्रमण गरेका थिए । पोस्टमा लेखिएको छ, “आईडीएफले गाजा पट्टीमा ठूलो मात्रामा आक्रमण जारी राखेको छ। वायुसेनाका दर्जनौं युद्धक विमानहरूले अल फुरकानमा तेस्रो पटक २०० भन्दा बढी लक्ष्यहरूमा प्रहार गरेका छन्। गत दिनमा भएको यो तेस्रो आक्रमण हो। सोही समयमा, क्ष्म्ँ ले छिमेकी क्षेत्रहरूमा द्धछण् भन्दा बढी लक्ष्यहरूमा आक्रमण गरेको छ।“
यसैबीच हमासको आक्रमणमा परी इजरायलमा मृत्यु हुनेको संख्या १ हजार नाघेको छ । २,८०० भन्दा बढी सर्वसाधारण घाइते भएका छन् र ५० जना बेपत्ता वा बन्धक बनाइएको पुष्टि भएको छ।
शनिबार (७ अक्टोबर) प्यालेस्टिनी आतंकवादी समूह हमासले इजरायलमा ५ हजार रकेट प्रहार गरेको थियो । जवाफमा इजरायलले युद्धको घोषणा ग¥यो र गाजामा जवाफी हमला गरेको थियो। अहिलेसम्म दुवै पक्षबाट सयौंको ज्यान गइसकेको छ । गाजाको स्वास्थ्य मन्त्रालयले इजरायली हवाई आक्रमणमा हालसम्म कम्तीमा ९०० प्यालेस्टाइनी मारिएको र ४,६०० भन्दा बढी घाइते भएको बताएको छ । गाजाको स्वास्थ्य मन्त्रालयका प्रवक्ताले मृत्यु हुनेमा १४० बालबालिका र १२० महिला रहेको बताए ।
संयुक्त राष्ट्रले गाजामा १,८०,००० भन्दा बढी प्यालेस्टिनीहरू आश्रयमा बसिरहेको बताएको छ। अमेरिका, फ्रान्स, बेलायत, जर्मनी, इटाली, क्यानडा आदि देशले इजरायललाई आत्मरक्षाको अधिकार रहेको बताएका छन् ।
