काठमाडौं, १६ असोज । नेकपा एमालेको कोशी प्रदेशमा अध्यक्षमा घनश्याम खतिवडा निर्वाचित भएका छन् । खतिवडाले अध्यक्षका प्रत्यासी विनोद ढकाललाई ८२ मतान्तरले पराजित गरेका हुन् । खतिवडाले ५१२ मत प्राप्त गर्दै विजयी हुँदा ढकालले ४३० मत प्राप्त गरे । त्यसैगरी उपाध्यक्षमा धनकुटाका टिकाराम चेम्जोङ निविरोध निर्वाचित भएका छन् ।
कुल मतदाता ९९७ मध्ये ९७७ जनाले मतदान गरेका थिए । २० जना अनुपस्थित रहे । दुई सय १५ सदस्यीय प्रदेश कमिटीका लागि उपाध्यक्षमा धनकुटाका टिकाराम चेम्जोङसहित ७३ जना निर्विरोध निर्वाचित भए । ७३ जना निर्विरोध भएपछि १४२ पदका लागि ३१८ जना उम्मेदवार प्रतिस्पर्धामा थिए ।
