काठमाडौं, ३१ भदौ । प्रभु साह नेतृत्वको आम जनता पार्टीले भन्सार विभागको कार्यालय घेराउ गरेको छ । पार्टीले भ्रष्टाचार नियन्त्रणको माग गर्दै त्रिपुरेश्वरस्थित विभागको कार्यालय घेराउ गरेको हो ।
सरकारी कर्मचारीमार्फत राजस्वमा हुने भ्रष्टाचार नियन्त्रण गर्नुपर्ने पार्टीको माग छ ।
कुपण्डोलबाट सुरु भएको सो पार्टीको र्याली विभागको कार्यालय पुगेर विभाग महानिर्देशकमार्फत नेपाल सरकारलाई ज्ञापन पत्र बुझाएको हो ।
प्रदर्शनमा श्रमजीवी तथा उत्पीडन वर्गको हक र अधिकारको पक्षमा नाराबाजी भएको थियो ।
