एजेन्सी, ३१ भदौ । हलिउडको चर्चित एक्स–मेन सिरिजमा लोगान/वोल्भरिनको भूमिका निर्वाह गरेका अभिनेता ह्युज ज्याकम्यानले आफ्नी श्रीमतीसँग छुट्टिएका छन् । ह्युग र उनकी श्रीमती डेबोरा ली ज्याकम्यानले २७ वर्षको वैवाहिक जीवनपछि आपसी अलग हुने निर्णय गरेको अन्तर्राष्ट्रिय समाचार माध्यमहरुले जनाएका छन् ।
रिपोर्टका अनुसार ह्युग र डेबोराबीच विगत केही दिनदेखि सम्बन्ध राम्रो चलिरहेको थिएन। अन्ततः दुवैले यो सम्बन्ध अन्त्य गर्ने निर्णय गरेका छन् । उनीहरुको बिछोडको बारेमा, दम्पतीले सीएनएनलाई एक विज्ञप्ति जारी गर्दै भने, ‘यो अद्भुत विवाहमा हामीले लगभग ३ दशकसम्म पति–पत्नीको रूपमा सँगै बस्ने अवसर पायौं। अब हामी आफ्नो बाटो परिवर्तन गर्दैछौं। हामीले हाम्रो व्यक्तिगत विकासको लागि अलग हुने निर्णय गरेका छौं।’
दम्पतीले यो भनाइ उनीहरूको छुट्टिनको लागि मात्र बयान हुनेछ । उनीहरु दुबैका लागि अब उनीहरुको परिवार नै सबैभन्दा ठूलो प्राथमिकता हुनेछ र उनीहरुले यसलाई पूर्ण मायाका साथ सम्हाल्नेछन् ।
ह्युज ज्याकम्यानले सन् १९९५ मा एक अस्ट्रेलियन टिभी कार्यक्रमको सेटमा डेबोरालाई भेटेका थिए । त्यसबेला डेबोरा उनीभन्दा बढी स्थापित भइन् । दुवैले सन् १९९६ मा विवाह गरेका थिए । डेबोराले दुईवटा गर्भपात भोगेपछि, दम्पतीले ओस्कर (२३) र अभा (१८) नामक दुई सन्तानलाई धर्मपुत्री लिए ।
हाल ह्युग हलिउडको चर्चित मार्वल सिनेमेटिक युनिभर्स (ःऋग्) को ३४औं फिल्म ‘डेडपूल ३’ को सुटिङमा व्यस्त छन् । यस सिरिजको तेस्रो फिल्ममा डेडपुल र वोल्भरिन आपसमा लड्दै देखिनेछन् । यो सुपरहिरो एक्शन फिल्म मे ३, २०२४ मा रिलिज हुनेछ।
