काठमाडौं, १३ भदौ । धनगढीमा आज समाजवादी मोर्चा नेपालले बिशाल सभाको आयोजना गरेको छ । सुदूरपश्चिम प्रदेशस्तरीय सन्देश सभालाई प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डलगायतका नेताहरुले सम्बोधन गर्ने छन् ।
मोर्चाले पत्रकार सम्मेलन गर्दै मंगलबार सन्देश सभाको तयारी पूरा भएको जानकारी गराएको थियो ।
सभालाई माओवादी केन्द्रका अध्यक्ष प्रचण्डसहित पूर्वप्रधानमन्त्री तथा एकीकृत समाजवादीका अध्यक्ष माधवकुमार नेपाल, नेकपाका महासचिव विप्लव र जसपा सुदूरपश्चिम प्रदेश इन्चार्ज गोविन्द चौधरीले सम्बोधन गर्ने कार्यक्रम रहेको छ ।
