काठमाडौं, ३ भदौ । संघीय संसद अन्तर्गतको प्रतिनिधि सभाको बैठक आज बस्दै छ । आज दिउँसो १ बजे संसद भवन नयाँबानेश्वरमा बैठक बोलाइएको हो ।
प्रमुख प्रतिपक्षी दल नेकपा (एमाले)ले लामो समयदेखि अवरोध गर्दै आएको छ । सुन तस्करी प्रकरणमा उच्चस्तरीय छानबिन समिति गठन गर्नुपर्ने एमालेको माग र सरकारका अंगहरुलाई नै छानबिन गर्न दिनुपर्ने सत्ता पक्षको अडानका कारण संसद बैठक बस्न नसकेको हो ।
सदनको गतिरोध अन्त्यका लागि प्रधानमन्त्रीले शिर्ष नेतासहित सभामुखसँग पनि पटकपटक छलफल गरेका थिए ।
