काठमाडौं,३१ साउन । असोज ६ र ७ गते कक्षा १२ को ग्रेडवृद्धि (पुरक परीक्षा) हुने भएको छ । राष्ट्रिय परीक्षा बोर्डले सूचना जारी गरेको सुचनामा पूरक परीक्षामा सहभागी हुने विद्यार्थीले भदौ ३१ गतेसम्म आवेदन फाराम भर्न सक्ने छन् ।
असोज ६ गते अनिवार्य अंग्रेजी र एक विषयमा परीक्षा दिने सबै परीक्षार्थीहरूका सबै विषयको परीक्षा हुनेछ भने असोज ७ गते दुई विषयमा परीक्षा दिने विषयहरूमध्येको बाँकी रहेको विषयको परीक्षा सञ्चालन हुनेछ।
ग्रेडवृद्धि परीक्षामा सहभागी हुन चाहने विद्यार्थीले भदौ २२ भित्र बोर्डको खातामा ६ सय रूपैँया परीक्षा शुल्क बुझाउनु पर्नेछ । गत बैशाखमा सञ्चालन भएको परीक्षाको नतिजा मंगलबार सार्वजनिक भएको हो ।
