काठमाडौं, २६ साउन । काठमाडौंको यज्ञमती र चखुंचाखोलामा आज देखि महानगरको डोजर चल्ने भएको छ ।
बुढानीलकण्ठ नगरपालिका र काठमाडौं महानगरपालिकाभित्र बग्ने सो खोलालाई पुरानै लयमा फर्काउन पहल थालिएको हो ।
काठमाडौं महानगरको टोली बिहीबार खोला खोल्न गएपनि स्थानीयले अवरोध गरेपछि डोजर अघि बढ्न सकेन ।
आज बिहानदेखि चखुँचाखोला खोल्ने तयारी महानगरले गरेको छ । काठमाडौं महानगरका मेयर बालेन साह र बुढानीलकण्ठ नगरपालिकाका मेयर मिठाराम अधिकारीबीच बिहीबार दिउँसो छलफल भएको थियो ।
छलफलपछि खोला खोल्ने सहमति भएको हो ।
