काठमाडौं, २४ साउन । संखुवासभा कारागारमा झडप भएको छ । कारागारमा दुई पक्षबीच झडप हुँदा २ जनाको मृत्यु भएको हो ।
प्रहरीको अनुसार मृत्यु हुनेमा आकाश बलामी र बिनोद तोलाङ्गे छन् । बिहान ५ बजेतिर बाथरुमको रड काटेर जेलबाट भाग्न खोजेका थिए ।
सुरक्षामा खटिएका प्रहरीले देखेपछि भित्र पठाएका थिए । भाग्न खोजेका कैदीहरु भित्र आएपछि २ पक्षबीच कुटाकुट भएको थियो ।
कुटपिटबाट गम्भिर घाइते भएका २ जनाको उपचारका लागि लैजाँदा गर्दा मृत्यु भएको हो ।
कुटपिटमा सम्लग्न ९ जनालाई प्रहरीले अनुसन्धानका लागि नियन्त्रणमा लिएको छ ।
