काठमाडौं । ग्लोबल टी–ट्वान्टी क्यानडामा नेपाली स्पिनर सन्दीप लामिछानेले शानदार प्रदर्शन गरिरहेका छन् । शुक्रबार भएको खेलमा लामिछानेको उत्कृष्ट बलिङको मद्दतमा उनी आवद्ध सर्रे जगुआर्सले शानदार जित निकालेको छ ।
सर्रेको जितमा सन्दीपले महत्वपूर्ण तीन विकेट लिएका थिए । सर्रेले दिएको १ सय ६५ रनको लक्ष्य पछ्याएको प्यानथर्स १७ ओभरमा १ सय ९ रन बनाउँदा अलआउट भयो । सन्दीपले विपक्षी टिमबाट सर्वाधिक रन बनाउने क्यामरन डेलपोर्टलाई क्याच आउट बनाउन सफल भएका थिए ।
साथै, जिम्स निसम पनि सन्दीपको बलमा आउट भएका थिए । सन्दीपले ‘मोमेन्ट अफ दी म्याच’ पनि पाएका थिए ।
यसअघिका खेलहरुमा पनि लामिछानेको प्रदर्शन शानदार रहेको थियो ।
