काठमाडौं, ११ साउन । नेपाली कांग्रेसको केन्द्रीय समितिको अर्को बैठक असोज २ गते बस्ने भएको छ । सभापति शेरबहादुर देउवाले पार्टीको विधानअनुसार २ महिनामा बैठक बोलाएका हुन् ।
विधानतः कांग्रेसको केन्द्रीय समितिको बैठक २ महिनामा एकपटक बस्नुपर्ने नियम भएपनि गत साउन २ गतेदेखि सुरु भएको बैठक २ वर्षमा बोलाइएको थियो ।
महामन्त्री गगन थापा र विश्वप्रकाश शर्माले बैठकको पहिलो दिन प्रस्तुत गरेको प्रतिवेदनमा विधान अनुसार बैठक बस्न नसकेको बताएका थिए ।
बैठक अन्त्य गर्दै अर्को मिति देउवाले घोषणा गरेका हुन् ।
