काठमाडौं,९ साउन । सत्तारुढ दल नेकपा (एकीकृत समाजवादी) पार्टीले केन्द्रीय कमिटी बैठक आगामी साउन २० र २१ बोलाएको छ ।
काठमाडौंमा बस्ने बैठकले पार्टीको महाधिवेशनको मिति र स्थान तय गर्नेछ । पार्टीले आगामी माघ महिनामा पार्टीको महाधिवेशन सम्पन्न गरी देशभर सङ्गठनलाई थप विस्तार गर्ने तयारी गरेको स्रोतले जनाएको छ ।
बैठकले पार्टी आधारभूत तहसम्म स्थापित गर्न आवश्यक कार्ययोजना तथा रणनीति तयार गर्नेछ ।
पार्टीले आगामी साउन १८ र १९ गते बस्ने पोलिट्ब्यूरो बैठकमा पार्टीका सबै जनवर्गीय सङ्गठनको कार्यसम्पादनको समीक्षा गर्ने भएको छ ।
