काठमाडौं, ८ साउन । काठमाडौंको सामाखुशीमा बाढीले बगाएर आइतबार बेपत्ता भएका बालक अझै भेटिएका छैन् । १३ वर्षीय साजन मगरको अवस्था अझै अज्ञात छ ।
साजन आइतबार विद्यालयबाट घर फर्किएर बाहिर खेल्न निस्केका थिए सोही क्रममा उनलाई सानो खोल्सीले बगाएको हो ।
उनको खोजीको लागि नेपाल प्रहरी,सशस्त्र प्रहरी, विपद व्यवस्थापनको टोली खटिएका छन् । आइतबार अत्यधिक वर्षापछि सामाखुशी, रानीबारी लगायका क्षेत्रमा बाढी पसेको थियो ।
