दाङमा बसभित्रै ७३ वर्षीया वृद्धा बलात्कृत

काठमाडौं, ५ साउन । दाङमा ७३ वर्षीया वृद्धालाई बलात्कार गरेको आरोपमा २ जनालाई प्रहरीले पक्राउ गरेको छ ।

प्रहरीको अनुसार बिहीबार राति तुलसीपुर उपमहानगरपालिका–५ बसपार्कमा पार्किङ गरी राखिएको ना ४ ख ७८४८ नम्बरको बसभित्र वृद्धामाथि सामुहिक रुपमा बलात्कार भएको हो ।

बलात्कारको आरोपमा तुलसीपुरका पुष्कर रोका र सल्यानका रेशम विक पक्राउ परेका छन् । घटनाबारे थप अनुसन्धान गरिरहेको प्रहरीले जनाएको छ ।