काठमाडौं, १९ असार । सभामुख देवराज घिमिरे र आज प्रधानमन्त्रीसहित प्रमुख तीन दलका शीर्ष नेताहरुको छलफल जारी छ ।
घिमिरेले मंगलबार बिहान ११ बजे सिंहदरवारस्थित आफ्नै कार्यकक्षमा प्रधानमन्त्री पुष्पकमल दाहाल, प्रमुख विपक्षी दलका नेता एवं नेकपा (एमाले) अध्यक्ष केपी शर्मा ओली र नेपाली कांग्रेसका सभापति शेरबहादुर देउवासँग छलफल सुरु गरेका हुन् ।
सभामुख घिमिरेले संसदीय समितिका सभापति चयन र संसदलाई प्रभावकारी बनाउने विषयमा शीर्ष नेताहरुसँग छलफल गर्न लागेको स्रोतले जनाएको छ । बैठकमा कानून, न्याय तथा संसदीय मामिला मन्त्री धनराज गुरुङ पनि सहभागी छन् ।
