काठमाडौं, १८ असार । दार्चुलामा आइतबार भिरबाट लडेर एक जना बालकको मृत्यु भएको छ।
दार्चुलाको अपि हिमाल गा पा ६ धाङकाङको छिपुल केदार मा वि को प्राङ्गण नजिक खेलिरहेको बेला भिरबाट लडेर कक्षा ५ मा अध्ययनरत १२ वर्षिय समिर महताको घटनास्थल मै मृत्यु भएको हो।
मृतक बालकको शव पोष्टमार्टमका लागि गोकुलेश्वर अस्पताल ल्याउँदै गरेको र शव पोष्टमार्टमपछि आफन्तलाई बुझाइने जिल्ला प्रहरी कार्यालय दार्चुलाले जानकारी दिएको छ।
