काठमाडौं । आईसीसी एकदिवसीय विश्वकप छनोट अन्तर्गत नेदरल्यान्ड्सविरुद्ध नेपालले पहिला ब्याटिङ गर्ने भएको छ ।
टाकासिंगा स्पोर्टस् क्लबमा टस जितेर नेदरल्यान्ड्सले नेपाललाई ब्याटिङको निम्तो दिएको हो । एकदिवसीय अन्तराष्ट्रिय (ओडिआई) मा नेपाल र नेदरल्यान्डबीच यसअघि २ भेट भईसकेको छ । दुई खेल मध्य एक खेल नेपालले र अर्को खेल नेदरल्यान्डले जितेको थियो ।
सुपर सिक्समा पुग्न नेपाल आजको खेल जित्नैपर्ने दबाबमा रहेको छ । आजको खेलमा पराजित भए नेपाल विश्वकप छनोटको समूह चरणबाटै बाहिरिनेछ ।
नेपाल सुपर सिक्समा पुग्न शनिबारको नेपालको जित र सोमबारको हुने नेदरल्यान्ड्स र वेस्ट इन्डिजबीचको खेलमा नेदरल्यान्ड्स पराजित हुनुपर्नेछ ।
