काठमाडौं, ७ असार । काठमाडौं महानगरपालिकाको निर्णयविरुद्ध परेको रिट न्यायाधीश धीरबहादुर चन्दको इजलासमा परेको छ ।
हिन्दी फिल्म चल्न नदिने महानगरको निर्णयविरुद्ध परेको रिटमा बिहीबार पाटन उच्च अदालतमा न्यायाधीश चन्दको एकल इजलासमा मुद्दाको सुनुवाइ हुने भएको हो ।
बुधबार सिनेमा हलहरुका छाता संगठन चललिचत्र संघले उच्च अदालत पाटनमा मुद्दा दायर गरेका थिए ।
मेयर बालेनले बलिउड चलचित्र ‘आदिपुरुष’मा समावेश जानकी भारती छोरी हुन् भन्ने भ्रमपुर्ण शब्द भारतबाट नहटेसम्म हिन्दी फिल्म काठमाडौंमा चल्न नदिने भन्दै सोमबारदेखि फिल्म प्रदर्शनमा रोक लगाएका थिए ।
