एजेन्सी, ५ जेठ । बेलायतकी महारानी एलिजाबेथको निधन भएको आठ महिनापछि त्यहाँको सरकारले उनको अन्त्येष्टिमा भएको खर्चको विवरण सार्वजनिक गरेको छ । सरकारले बिहीबार सेप्टेम्बर ८ मा उनको निधन भएपछि १० दिनसम्म कार्यक्रम सञ्चालन गरेको जनाएको छ ।
यसमा २० करोड डलर अर्थात् एक हजार करोड रुपैयाँ खर्च भएको छ । सन् १९६५ मा पूर्वप्रधानमन्त्री विन्स्टन चर्चिलको मृत्युपछि बेलायतमा यो पहिलो राजकीय अन्त्येष्टि थियो। अर्थात् सरकारको तर्फबाट यस्तो अन्त्येष्टि गरियो । रानीको अन्त्येष्टिमा २ लाखभन्दा बढी मानिसको भीड जम्मा भएको थियो । मानिसहरू वेस्टमिन्स्टर एबे चर्च बाहिर २४ घण्टाको लागि लाइनमा थिए। यस्तो अवस्थामा कार्यक्रममा कुनै गडबड हुन दिन चाहेनन् । यसका लागि पर्याप्त सुरक्षा व्यवस्था मिलाइएको थियो । सरकारले विभिन्न विभागको खर्च उल्लेख गरेको छ ।
गृह मन्त्रालयले ७५६ करोड, संस्कृति मन्त्रालयले ५८९ करोड, यातायात मन्त्रालयले २६ करोड, परराष्ट्र कार्यालयले २१ करोड र रक्षा मन्त्रालयले २९ करोड रुपैयाँ खर्च गर्नुपर्ने थियो । एकातिर बेलायतले महारानी एलिजाबेथ द्वितीयको अन्त्येष्टिमा हजारौं करोड खर्च गर्नुपरेको छ । त्यसैगरी, जेठा छोरा राजा चार्ल्सको मृत्युपछि मे ८ मा उनको राज्याभिषेकमा सरकारले ५१३ करोडदेखि १००० करोड रुपैयाँ खर्च गरेको थियो । धेरै राजतन्त्र विरोधी संगठनहरूले यसको विरोध गरे। जेठ ६ गते भएको राज्याभिषेकमा एकातिर राजतन्त्रका समर्थकको भेला भए अर्कोतिर राज्याभिषेकको विरोधमा जनताले जुलुस निकालेका थिए ।
