काठमाडौं, २४ वैशाख । ठुलो मात्रामा सुनचाँदीसहित दुगड ग्रुपका लेखापाल पक्राउ परेका छन् । भारततर्फ लैजान लागेको अवैध ५४ तोला सुन र ८ तोला चाँदीसहित लेखापाल विनोद मुरार पक्राउ परेका हुन् ।
रानी नाकातर्फ जाँदै गरेको को २ च १४९५ नम्बरको इको भ्यानबाट उक्त मात्रामा सुनचाँदी बरामद भएको प्रहरीले जनाएको छ । लेखापाल मुरार र उनकी श्रीमती पुष्षासँग प्रहरीले ७ लाख रुपैयाँसमेत बरामद गरेको छ । उनको घर भारतको विहार हो । उनीहरुसँगै चालक विराटनगर घर भएका विमल कामतलाई पनि प्रहरीले पक्राउ गरेको हो ।
प्रहरीले ३ थान सुनको ठुलो बिस्कुट, ६ तोला सानो बिस्कुट, सिक्काहरु ३६ ग्राम, ४० ग्राम १० थान सिक्का, कनौती ५.७८ ग्रामको २ थान गरी ५४ तोला सुन बरामद भएको कोशी प्रदेश प्रहरीले जनाएको छ ।
