काठमाडौं, १८ वैशाख । नेपाल डिजिटल पेमेन्ट्सले कम्पनीद्वारा सञ्चालित ‘नमस्ते पे’ का नवनियुक्त प्रमुख कार्यकारी अधिकृत (सिईओ) प्रवीणराज पोखरेलले कार्यभार सम्हालेका छन् ।
पोखरेल धेरै अग्रणी बैंक, वित्तिय संस्था, भुक्तानी प्रणाली र फ्रिनटेक कम्पनीमा २७ वर्षभन्दा बढीको उत्कृष्ट ट्रयाक रेकर्ड भएका व्यक्ति मानिन्छन् । यसअघि उनले एफवान सफ्रट इन्टरनेशनल र एमनेपाल लिमिटेडको प्रमुख कार्यकारी अधिकृतको रुपमा काम गरिसकेका छन् ।
पोखरेलसित बैंकिङ्ग क्षेत्रको लामो अनुभव भएको बताइएको छ । उनले ग्लोबल, नबिल, बैंक अफ काठमाडौँ र हिमालयन बैंकमा विभिन्न पदमा काम गरिसकेका छन् । त्यस्तै, युकेएड कोषको परियोजनामा मोबाइल फाइनान्सियल सर्भिस र भुक्तानी प्रणाली सल्लाहकारका रुपमा पनि उनले काम गरेको अनुभव छ ।
