काठमाडौं, ८ वैशाख । नक्कली नागरिकताका लागि सिफारिस गर्ने वडाध्यक्षसहित ३ जना पक्राउ परेका छन् ।
कलैया उपमहानगरपालिका–१० का वडाध्यक्ष महम्बद साबिरमाथि मावली हजुरबुवाबाट वंशजको आधारमा नागरिकता बनाउनका लागि सिफारिस गरेको आरोप लागेको छ ।
वडाध्यक्ष साबिरसहित नागरिकता लिइसकेका नक्कली बुवा छोरालाई प्रहरीले पक्राउ गरेको हो ।
वडाध्यक्ष साबिर, नक्कली बावु जोधन साह तुहारा र उनका छोरा रमेश साह तुहारा पक्राउ परेका हुन् ।
६ महिना अघि नै नागरिकता लिइसकेका उनीहरु गोप्य सूचनाको आधारमा पक्राउ परेका हुन् ।
