काठमाडौं, २० पुष । विश्व शान्तिको कामना गर्दै काठमाडौंमा आजदेखि अन्तर्राष्ट्रिय बौद्ध सम्मेलन सुरु भएको छ ।
गौतम बुद्धको शान्तिको सन्देश विश्वभर पुर्याउने उद्देश्यका साथ सम्मेलन सुरु भएको हो । सम्मेलनको उदघाटन गर्दै रक्षामन्त्री भिमसेनदास प्रधानले विश्वभर गौतम बुद्धको शान्तिको सन्देश फैलिएकोमा गर्वानूभूति भएको बताए ।
सम्मेलनमा भारत, चीनलगायत विश्वका ५० भन्दा बढि राष्ट्रका बौद्ध भिक्षुहरु सहभागी भएका छन । ३ दिनसम्म चल्ने सम्मेलनले बुद्धको शान्तिको सन्देशलाई अझै उचाईमा पुर्याउन सघाउ पुग्ने अपेक्षा गरिएको छ ।
