एजेन्सी, ३ बैशाख । भारतको उत्तर प्रदेशमा लोकसभाका पूर्वसांसदको गोली हानी हत्या गरिएको छ । शनिबार राति प्रयागराजमा पूर्व सांसद आतिक र उनका भाइ असरफको हत्या भएको थियो । प्रहरीले दुवैलाई स्वास्थ्य परीक्षणका लागि अस्पताल लगेको थियो । छेउछाउमा हिँड्दा पत्रकारहरुले अतिक र असरफलाई प्रश्न गरिरहेका थिए । यसैबीच तीन आक्रमणकारीले प्रहरीको सुरक्षा घेरा तोडेर आतिकको टाउकोमा गोली हानेका छन् । यसपछि अशरफमाथि गोली प्रहार भएको हो । दुवैको घटनास्थलमै मृत्यु भयो ।
आक्रमणकारी सञ्चारकर्मीको रुपमा प्रस्तुत भएका थिए । उनीहरुको नाम लवलेश तिवारी, सन्नी र अरुण मौर्य हुन् । आक्रमणपछि तीनै जनाले आत्मसमर्पण गरेका थिए । लवलेश बांदा, अरुण हमीरपुर र सन्नी कासगञ्जका बासिन्दा हुन्।
तीनै जनालाई प्रहरी हिरासतमा राखेर सोधपुछ भइरहेको छ । उनीहरुको साथबाट हतियार समेत बरामद भएको छ । यस आक्रमणमा प्रहरी जवान मानसिंहलाई पनि गोली लागेको छ, जसलाई अस्पताल लगिएको छ ।
अतिकको मृत्युको खबर सुनेपछि प्रयागराज जेलमा रहेका अतिकका दोस्रो छोरा अली बेहोस भए । अतीकका दुई नाबालिग छोरा राजरूपपुर बाल सुधार गृहमा छन्। उनको टिभी केबल जडान विच्छेद भएको छ।
यूपी एसटीएफले शनिबार साँझ महाराष्ट्रको नासिकमा छापा मारेको छ। स्रोतहरूले भास्करलाई भने कि एसटीएफले यहाँबाट एक संदिग्धलाई पक्राउ गरेको छ। यो गुड्डू मुस्लिम हो वा आतिकसँग सम्बन्धित कोही हो, खुल्न सकेको छैन ।
