तेहरान, २२ चैत्र । इरानमा फेरि एकपटक विद्यालयका छात्रामाथि आक्रमण भएको छ । मंगलबार दोस्रो पटक विद्यालयका छात्रालाई विषाक्त ग्यासको प्रहार भएको हो । इरानको सरकारी सञ्चारमाध्यमले मंगलबार २० इरानी स्कूले छात्रालाई विषाक्त आक्रमणपछि अस्पताल भर्ना गरिएको जनाएको छ। समाचार एजेन्सी इरानको अनुसार पूर्वी अजरबैजानको उत्तरपश्चिमी प्रान्तको राजधानी ताब्रिजमा सास फेर्न गाह्रो भएपछि ती बालिकाको उपचार गरिएको अस्पताल लगिएको हो ।
“ताब्रिजको एक गर्ल्स हाई स्कूलका धेरै विद्यार्थीहरू गम्भीर अवस्थामा रहेको रिपोर्ट आएपछि आपतकालीन विशेषज्ञहरूलाई तुरुन्तै घटनास्थलमा पठाइएको थियो,“शहरको आपतकालीन सेवाका प्रमुख असगर जाफरीले भने। अहिले सबै विद्यार्थीको अवस्था सामान्य रहेको उनले बताए ।
नोभेम्बरको अन्त्यदेखि केसहरूको लहरमा, ५ हजार भन्दा बढी विद्यार्थीहरूले “अप्रिय“ गन्ध रिपोर्ट गरेपछि बेहोस हुने, वाकवाकी लाग्ने, सास फेर्न गाह्रो हुने र अन्य लक्षणहरू भोगेका छन्, केहीलाई अस्पतालको उपचार आवश्यक छ।
करिब २३० विद्यालयमा विना उक्साहट आक्रमणले विद्यार्थी र उनीहरूका अभिभावकमा डर र आक्रोश पैदा गरेको छ । दुई साताको नवरोज ब्रेकपछि सोमबार विद्यालयमा कक्षा सुचारु भएको थियो । मार्चको सुरुमा, इरानले विषाक्ततामा १०० भन्दा बढी गिरफ्तारीको घोषणा ग¥यो र अज्ञात अपराधीहरूको शत्रु समूहसँग सम्बन्ध रहेको आरोप लगाएको थियो।
सर्वोच्च नेता आयतोल्लाह अली खामेनीले “अक्षम्य अपराध“ का दोषीहरूलाई “दयाविना“ पत्ता लगाउन आह्वान गरेका छन्। महिलाको पहिरनमा नियम उल्लंघन गरेको आरोपमा पक्राउ परेकी २२ वर्षीया महसा अमिनीको सेप्टेम्बर १६ मा मृत्यु भएपछि इरानमा विरोध प्रदर्शन सुरु भएको दुई महिनापछि विषादी प्रयोग सुरु भएको थियो। पछिल्लो आधिकारिक तथ्यांकले इरानका ३१ प्रान्त मध्ये २५ वटा विद्यालयलाई आक्रमणमा निशाना बनाइएको जनाएको छ।
