काठमाडौं, १२ चैत्र । नेपाल विद्यार्थी संघका केन्द्रीय अध्यक्ष दुजाङ शेर्पाको राजीनामा माग गर्दै नेविंघका कार्यकर्ता रिले अनसनमा बस्ने भएका छन् । शेर्पाको कार्यशैलीको विरोध गर्दै असन्तृष्ट कार्यकर्ताहरुले पार्टी कार्यालय सानेपामा अनसन बस्ने तयारी गरेका हुन् ।
कार्यकर्ताहरुले काठमाडौं जिल्ला पार्टी कार्यालय र नेविसंघको केन्द्रीय कार्यालयमा तालाबन्दी समेत गरेका छन् । आजदेखि पार्टी कार्यालयमा रिले अनसन बस्ने र माग सम्बोधन नभए आमरण अनसन बस्ने विद्यार्थीको योजना छ ।
शेर्पाले एकैदिन त्रिभुवन विश्वविद्यालय समन्वय समितिको अध्यक्ष पदमा तीन जनालाई मनोनित गरेको पत्र सार्वजनिक भएको थियो । २०७८ फागुन ३ गते दुजाङ शेर्पालाई नेविसंघ र विद्धान गुरुङलाई नेपाल तरुण दलको अध्यक्षमा नियुक्त गरेका थिए ।
