नेपालले आज भारतसँग प्रतिष्पर्धा गर्दै

काठमाडौं, ६ चैत्र । साफ यु–१७ महिला च्याम्पियनसिप फुटबल प्रतियोगिता सोमवारबाट बंगलादेशमा शुरु हुँदैछ । ढाकामा आयोजना हुने प्रतियोगिताको पहिलो खेलमा नेपालले आज भारतसँग प्रतिष्पर्धा गर्नेछ । नेपाल र भारतबीचको खेल नेपाली समयअनुसार दिउँसो ३ बजे शुरु हुनेछ । नेपाल आज भारतलाई हराउँदै प्रतियोगितामा सुखद् नतिजा निकाल्ने दाउमा छ । प्रतियोगितामा आयोजक बंगलादेश, नेपाल, भारत,
भुटान र रुसको सहभागिता छ ।